Нийслэлд 5120 иргэн дөрөв дэх тунд хамрагдаад байна

Өчигдөр нийслэлд коронавирусийн эсрэг вакцины нэгдүгээр тунд 66, хоёрдугаар тунд 133, гуравдугаар тунд 2084, дөрөвдүгээр тунд 2695 нийт 4978 иргэн хамрагджээ. Вакцинжуулалт эхэлснээс хойш нийслэлийн нийт хүн амын 75 хувь нь нэгдүгээр тунд, 71.8 хувь нь хоёрдугаар тунд, 48.6 хувь нь гуравдугаар тунд хамрагдаад байгаа юм. Харин вакцины нэмэлт дөрөвдүгээр тунд нийслэлийн нийт хүн амын 0.54 хувь нь хамрагдсан байна. Зорилтот бүлгийн буюу 3008 жирэмсэн эх, 12-15 насны 68388 хүүхэд, 16-17 насны 26956 хүүхэд тус тус дархлаажуулалтын бүрэн тунд хамрагджээ.