Б.Жавхлан: Хөгжлийн банкнаас ТӨХК-уудын авсан чанаргүй зээлийг төсөв рүү шилжүүлэхгүй

Ерөнхий сайд Л.Оюун-Эрдэнэ Олон улсын хямралт нөхцөл байдлаас үүдэлтэйгээр гол нэр төрлийн бараа бүтээгдэхүүний үнийн өсөлт, хомсдлоос сэргийлэх, нөлөөллийг бууруулах тухай хуулийн төслийг УИХ-д өргөн барьсантайгаа холбогдуулан Засгийн газрын гишүүдийнхээ хамт мэдээлэл хийлээ. Энэ үеэр Сангийн сайд Б.Жавхлан “Хөгжлийн банкнаас ТӨХК-уудын авсан чанаргүй зээлийг төсөв рүү шилжүүлнэ гэж байхгүй. Ийм санал хаанаас ирээгүй. Хөгжлийн банкны удирдлагууд ийм санал тавиагүй. Яагаад гэхээр энэ зээлүүдийг анх гаргахдаа төсвөөс баталгаа гаргаагүй. Чанаргүй зээлийг татвар төлөгчдийн мөнгөөр эргэн төлнө гэдэг ойлголт байхгүй. Энэ ойлголтыг мартах хэрэгтэй” гэлээ.