Чингис хааны эш хөргийг Их хуралдай танхимд заллаа

УИХ-ын 2022 оны намрын чуулган өнөөдөр нээлтээ хийлээ. Чуулганы нээлтийн эхэнд Эзэн Богд Чингис хааны эш хөргийг дээдлэн залах тухай Монгол Улсын Ерөнхийлөгчийн зарлигийг сонсгож, УИХ-ын нэгдсэн хуралдааны “Их хуралдай” танхимын хойморт Эзэн Богд Чингис хааны эш хөргийг “Алтан бие минь алжааваас алжаатугай. Ахуй төр минь бүү алжаатугай. Бүтэн бие минь зовбоос зовтугай. Бүрэн улс минь бүү сандартугай” хэмээсэн билиг сургаалын хамт заллаа. Улмаар Монгол Улсын Ерөнхийлөгч У.Хүрэлсүх, УИХ-ын дарга Г.Занданшатар, Ерөнхий сайд Л.Оюун-Эрдэнэ нар Чингис хааны эш хөрөгт хүндэтгэл илэрхийллээ.