Улс төр

Гурван Байнгын хороо нэмж байгуулна

УИХ-ын дэд дарга Т.Аюурсайхан, УИХ дахь МАН-ын бүлгийн дарга Д.Тогтохсүрэн, Бүлгийн дэд дарга Х.Булгантуяа нар бүрэн эрхийнхээ хүрээнд санаачлан боловсруулсан “Улсын Их Хурлын тухай хуульд нэмэлт, өөрчлөлт оруулах тухай” хуулийн төслийг УИХ-ын дарга Г.Занданшатарт өнөөдөр өргөн барилаа. Хуулийн төсөлд гурван байнгын хороо нэмж байгуулахаар тусгажээ.

Шинээр байгуулагдах байнгын хороод:

Ёс зүй, сахилга хариуцлагын байнгын хороо- Төрийн байгуулалтын байнгын хорооны эрхлэх асуудлын хүрээнд байсан зарим асуудлыг хариуцна.

-Инновац, цахим бодлогын байнгын хороо- Аюулгүй байдал, гадаад бодлогын байнгын хороо болон Эдийн засгийн байнгын хорооны эрхлэх асуудлын хүрээний зарим чиг үүргийг салган хариуцуулна.

-Үйлдвэржилтийн бодлогын байнгын хороон- Эдийн засгийн байнгын хорооны эрхлэх асуудлын хүрээний зарим чиг үүргийг хариуцуулахаар төсөлд тусгасан байна.

УИХ дахь МАН-ын бүлэг өнөөдөр хуралдаж, байнгын хороодын тоог, дарга нарын асуудлыг хэлэлцсэн. Ингэхдээ гурван байнгын хороо шинээр нэмэх шийдвэр гаргасан. Уг нь УИХ найман байнгын хороотой байхаар болж, бүрэлдэхүүнийг нь баталсан ч дахин нэмж шинээр гурван байнгын хороо байгуулж 11 байнгын хороотой болохоор болсон байна. Одоо УИХ-ын Дэгийн тухай хуульд өөрчлөлт оруулж, түүний дараа байнгын хороодын дарга нарыг томилох юм байна.

Энэ мэдээнд өгөх таны сэтгэгдэл?

Бахархмаар
0
Хөөрхөн
0
Утгагүй
0
Тэнэглэл
0

Холбоотой мэдээ

Leave a reply

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн